Dalka Ingiriiska iyo Qishka loo adeegsado taleefoonada gacanta

In ka badan 300 ardey ayaa laga mamnuucay inay imtixaanno heerarkoodu kala duwan yahay ay u fariistaan kadib markii lagu helay falal sharcidarro ah oo ay ku kaceen oo ay u adeegsadeen taleefoonada gacanta ee mobile-ka loo yaqaano, sidaasi waxaa lagu sheegay warbixin ay soo saartay AQA oo ahXafiiska Imtixaanaadka ugu weyn ee dalweynaha UK.

Arrintan ayaa ka dhigeysa in falalka sharcidarrada ah ee imtixaannada ee taleefoonada gacanta loo adeegsado inay korortay 15.7% sanadkii 2004, marka la barbardhigo kii 2003dii. Ka sokow ardeydaimtixaannada laga mamnuucay waxaa iyana jira kuwo kale oo baritaan lagu sameeyay kadib markii laga shakiyay inay qish sameynayeen.

SMS
Ardey badan ayaa isku dayay inay jawaabaha ku helaan qaabka loo yaqaano (text messaging) ama SMS, gaar ahaan maaddooyinka sayniska la xiriira sida xisaabta iyo sayniska.

Arrinta oo ay u muuqata mid walaac ku haysa xafiisyada imtixaanaadka ee dalka Ingiriiska ayaa waxa ay haatan ka shaqeynayaan sidii ay u soo saari lahaayeen siyaasado ka dhan ah qisha ardeydu u adeegsadaan taleefoonnada gacanta.

Dadka ka faallooda arrimaha waxbarashada ayaa sheegaya in dhacdooyinka cusub ay muujinayaan qaababka cusub ee ay ardeydu wax ku qishi karaan, haddii aanan si aad loo mamnuucin in ardeydu imtixaanka la yimaadaan taleefoonnada gacanta amaba ay ku adeegsadaan inta imtixaanku socdaan

Xigasho: BBCnews.com