Khatarta darawallada mobile-ka ku hadla

Dadka ku hadlaya taleefoonada mobileka iyagoo baabuur wada ayaa la sheegay inay afar-jibaar halis u yihiin inay shil galaan marka la barbardhigo dadka aan mobile-ka ku hadlin marka ay baabuurta wadaan.

Darasaddan oo ay dhowaan soo saartay University of Sydney ayaa lagu sameeyay illaa 400 oo qof oo uu dhaawac ka soo gaaray shil baabuur. Waxay daraasaddu xustay in darawallada mobile-ka ku hadlaya iyagoo mobile-ka gacanta ku haysta ay khatar ugu jiraan inay shil galaan 5 jibaar darawalka aan mobile-ka ku hadlin, halka darawallada mobile-ka ku hadla iyagoo adeegsanaya fiilo dhagta ugu jirta ay iyaguna 4-jibaar khatar ugu jiraan inay shil baabuur galaan marka la barbardhigo kuwa aan mobile-ka ku hadlin. Darasaaddan ayaa meesha ka saartay aragtidii laga qabay in fiilooyinka dhagaha la gashto ay yareeyaan khatarta darawalladu ugu jiraan inay shil galaan.

Dalal badan oo dunida ka mid ah ayaa mamnuucay in dadku marka ay baabuurta wadayaan aysan ku hadlin mobile iyagoo gacanta ku xajisanaya. Dalalkaas waxaa ka mid ah Germany, Australia, Imaaraadka, iwm, balse daraasaddan oo lagu daabacay British Medical Journal waxay soo jeedineysaa in mamnuuciddan la weyneeyo. “daraasaddu waxay sheegtay in mobile-da oo aan gacanta laguq absan inay fiican tahay, laakiin taas kaliya meesha kama saari karto in shil dhaco” sidaasi waxaa yiri Professor Mark Stevenson oo wax ka qoray daraasaddan.

“Dhambaalka ugu muhiimsan ee ay darasaddan soo jeedineyso waa in la joojiya in taleefoon lagu hadlo noocuu doonaba ha ahaadee marka qofku babauur wadayo. Taas ayaa ah waxa yareyn kara khatarta” ayuu sii raaciyay Stevenson. Daraasaddan waxaa si gaar ah loogu eegay taleefoonada lagu hadlo iyo dhambaalada qoraalka e mobile-ka lagu qoro (text messages)

daraasaddan ayaa lagu sameeyay 400 darawal, waxaana lagu sameeyay qeybta gargaarka degdegga ah ee isbitaallada Gobolka Galbeedka Australiya Dr Suzanne McEvoy, oo wax ka diyaarisay darasaaddan ayaa sheegtay in dadkii ay wareysteen in ka badan nuskood ay adeegsanayeen mobile aysan gacanta ku wadanin (hands-free)

Xigasho: Reuters