Biniaadamka iyo Robot-yo: sanadka 2050 oo ay robot-yo badin doonaan

Robot-yo laga keenay 31 dal ayaa tartan cayaaro kubadda cagta ah isaga horyimid bishan July dalka Japan, iyadoo hadafkoodu yahay inay la tartamaan 50 sano kadib horyaallada k/cagta ee manta dunida laga yaqaano 50 sano.
“Sanadka 2050-ka cayaartoy k/cagta ah oo robot sidii biniaadamka loo sameeyay ah ayaa ka guuleysan doona koox cayaartoy biniaadam ah, iyagoo ilaalinaya xeerarka caalamiga ah ee FIFA” ayaa lagu sheegay war-murtiyeed ka soo baxay qabanqaabiyeyaasha tartanka oo ka dhacaya magaalada Osaaka ee dalka Japan.
Tartankan oo ay robot-yadan ku taratamayaan waxyaabo kale, waxaa kooxaha look ala qeybiyay 5 waaxood. Robto-kii ku guuleysta tartanka wuxuu qaadanaya koob qurux badan oo ay nashqadeysay Shirkadda Faransiiska ee Louis Vuitton.

illaa 333 kooxood oo ka yimid 31 dal ayaa ka qeyb qaadanaya tartankan oo sanad walba dhaca, waxaana horay loogu soo qabtay Australia, Italy, France, Portugal, South Korea, Sweden iyo Mareykanka. Sanadka dambe waxaa martigalineysa magaalada Bremen ee dalka Jarmalka. Tartanka waxaa soo qabanqaabiyay cilmi-baarayaal, waxaana taageero-dhaqaale ku biiriyay dowladda Japan iyo shirkado ganacsi oo dalkaas laga leeyahayba. Shirkadaha Japan ayaa fursaddan kaga faa’iideystay inay ku soo bandhigaan robot-yo kale oo ay farsmeeyeen, waxaana ka mid ahayd shirkadda saacadaha sameysa ee Citizen Watch oo soo bandhigtay robot-yo yaryar oo dabka ka qaadanaya ileyska qorraxda, kuwaasoo cayaaraya.

Xigasho: Wakaaladaha