Ururka Dhallinyarada
Soomaaliyeed ee Suudaan oo ka qeyb galay shir ay isugu yimaadeen
dhallinyarada Carbeed
Ururka Dhallinyarada Soomaaliyeed ee Suudaan ayaa ka qeyb galay
shir ay isugu yimaadeen dhallinyarada Carbeed. Shirkaasi
oo lagu qabtay dalka Urdun gaar ahaan magaalo xeebeedka CAQABA
intii u dhaxeesay 07-14/12/2007 ayaa waxaa looga hadlayey
ilaalinta deegaanka badaha iyo saameynta ay ku yaalan karto
isbadallada cimilada aduunka
Shirkaas
oo uu soo qaban qaabiyey ururka boqortooyada Urdun ee cayaaraha
badda iyo ururka Carabta ee dhalinyarada iyo .deegaanka oo hoos
yimaada Jaamacada Carabta
Waddamada ka soo qeyb galay shirkaas waxay kala
ahaayeen:
JORDAN -
MASAR-SUDAN-MORITANIA-PHALESTINE-TUNISIA-SAUDI ARABIA- ARAB
IMARATES-QATAR-KUWAIT-BAHRAIN iyo JAMHUURIYADA SOMALIA .
Dalka Soomaaliya waxaa matalayay
Ururka Dhallinyarada Soomaaliyeed ee Suudaan
oo ay oga qeeb galeen sadex xubnood oo ka socday
ururka kalana ah:-
1. Md. Cali Cabdi caziiz Mukhtaar (QARIIDI YARE)
gudomiyaha ururka
2-Md. Liiban C/rashiid Cali, Xoghayaha arrimaha
dibada
3- Md. Ibrahim C/raxman Sh. Bashiir Xubin
Shirkaasi oo ay dawlad waliba soo bandhigtay waxqabadka dalkeeda
ee ku aadan ilaalinta xeebaha iyo deegaanka badda, ayadoo
wafdiga Soomaaliya u matalayey shirkani soo bandhigay dhibaatada
haysata xeebaha iyo badda Soomaliyeed isagoo u gudbiyey wafuudi
Carbeed ee shirka kala soo qeyb gashay qoraalo ay ku muujinayaan
sida murugada leh ee badda Soomaliyeed looga dhigay qashin-qub
caalami ah taas oo looga faa'ideysanayo maqnaashaha dawlad adag
oo awood u leh ilaalinta baddeeda iyo deegaankeedaba tan iyo
intii ay dhacday dalwadi dhexe ee Somalia sanadkii 1991 .
Ururku wuxuu ka codsaday kasoo qeyb galayaasha shirka inay kala
qeybqaatan uruka sidii adduunka loogu soo bandhigi lahaa
dhibaatada haysata badaha Soomaliya isla markaana loo soo
hortaagi lahaa maxkamad caalami ah cid kastoo ku xadgudubta
badda Soomaaliya una adeegsata goob qashineed ayagoo u
ballanqaaday kasoo qeyb galayaashu inay u howl galayaan
codsigaasi uga yimid wafdiga dhalanyarada Soomaliyeed ee
shirkaasi ka qeyb galay
Gabagadii shirkaasi ayaa wax hadal qiimo leh ka jeediyey
xoghayaha guud ee ururka carbeed ee dhallinyarta iyo deegaanka
Mr . Rashwan C/xakiim isagoo ka codsadey kasoo qeyb galayaasha
shirkaasi sidii wax looga qaban lahaa dhibaatada ka jirta badaha
wadama Carbeed gaar ahaan xeebta Soomaaliya
Isagoo si gaar ahaaneed uga ballan qaaday inuu u gudbin doono
xoghaya guud ee jaamacada Carabta Mr. Camir Mussa iyo wasiirrada
deegaanka ee wadamada Carbeed shirkooda soo socda kaas oo ka
dhici doona bilowga sanadka cusub 2008 CAIRO - EGYPT .
Gunti iyo gunaanadkii waxa uu Ururka Dhallinyarada Soomaaliyeed
ee Suudaan ka codsanayaa bulsha weynta Soomaliyeed inay
dhawraan isla markaana ilaaliyaan xeebaha dalka hooyo kana qeyb
qaataan ka hortaga nabaad guurka deegaanka waayo ilaalinta
deeganka waa masu'uuliyad saaran muwaadin kasta ee Soomaliyeed .
Waxaa diyaariyay:
Liibaan C/rashiid
Cali
Xoghayaha Arrimaha dibedda
