Aqoon-iswaydaarsi lagu horumarinayo Waxbarashada Macalimiinta Puntland
 

Garoowe - Juun 04, 2006

Waxaa maanta lagu qabtay Xarunta Cilmi Baarista Puntland ee PDRC ee Garoowe aqoon-iswaydaarsi kor loogu qaadayo Waxbarashada Macalimiinta Puntland oo ay qabatay Wasaarada Waxbarashada Puntland , iyadoo dhaqaale ka heshay European Commission oo dhaqaale u soo marayay Hay’adda Save The Children Uk.

Siciid Sanwayne oo ah Madaxa tabarada Macalimiinta Puntland ee Wasaarada Waxbarashada , ayaa Puntlandpost u sheegay in ay jireen aqoon-iswaydaarsi oo horay loo qabtay ku waa soo lagu hourmarinayay Waxbarashada Macalimiinta Puntland , kii ugu dambeeyayna la qabtay 27/4/2006 oo lagu qabtay magaalada Garoowe.

Kaasoo laga soo saaray Waraaq ku aadan Siyaasada-waxbarasho (Policy Education) , waxaana haatan aqoon-iswaydaarsigaan lagu eegayaa waraaqdan , sida uu sheegay Saciid.

Aqoon-iswaydaarsigan , oo socon doona halmaalin ayaa waxaa ka soo qaybgalay dhamaan Hormuudyada Jaamacdaha dalka , waxaana laga soo saarayaa qoraal ku aadan Siyaasada waxbarasho ee Puntland (Policy Education).

Axmed C/salaam

Xigasho: Puntlandpost.com

 .