Xafladan si heer sare ah loo soo agaasimay oo ay soo qaban qaabiyeen ardayda Dugsiga Hoose Dhexe ee Imaamu Shaafici taas oo looga gol lahaa baruurujinta iyo dhiirigalinta Ardayda Fasalka u sareeya Dugsigaasi oo sanadka danbe u gudbaya Dugsiga Sare kuwaasi oo iyagu soo abaabulay xafladan Qiimaha leh oo ay ardaydu ku dalbanayeen in loogu duceeyo imtixaanka oo ay ku guulaystaan oo ay u fadhiisanayaan bartamaha sanadkan.

Xafladan oo ay kasoo qeybgaleen boqolaal kamid ah Ardayda Dugsiga Waxka barata, Waalidiinta, Guddiyada Waalidiinta, Macalimiinta iyo Maamulka Deugsigaasi waxay ku bilaabantay jawi aad u farxad badan waxaana halkaasi ka hadlay oo furay xaflada Maamulah dugsigaasi Sh, Saleebaan Axmed Ibraahim oo ka waramay marxalidihii kala duwanaa ee uu soo maray dugsigani isagoo sheekhu ku dheeraaday koriinka iyo hanaqaadka waxbarashada dhalinta dugsiga wax ka dhigata isla markaana waxa uu Maamuluhu u mahadnaqay Haayadihii ka qeyb qaatay Dhismayaashii ka duwanaa ee ka hirghalay dugsiga tan iyo xiligii uu jiray dugsigaasi waxaana ka mid ahaa hadaladiisii “waxaynu marnay waqtiyo kala duwan idinkuna waxad tihiin lodkii u horeeyey ee wada hablo ah waxayna taasi sharaf u tahay anaga macalimiinta dugsiga iyo dhamaanba waalidiintiina oo usoo halgamay sidii aad u dhameysan lahaydeen waxbarashadiin dugsiga hoose iyo ka dhexeba”

Waxa kale halkaasi ka hadya Maamule kuxigeenka Dugsigaasi Mustafe Xirsi Maygaag oo sheegay inuu aad ugu faraxsanyahay xafladan ay soo qaban qaabiyeen ardaydu isla markaana uu ku han weynyahay inay ku guuleysan doonaan imtixaanaadka horyaal insha allaah Waxana kamid ahaa hadaladiisa oo uu yidhi “runtii waxay ii tahay farxad weyn todoba iyo toban hablood oo kamid ah Ardaydii Dugsigii maanta hormaood u ah dugsiga waxaan leeyahay haayadihii odhan jiray hablaha waxba lama baro waa kuwaas oo iyagoo is raac aanu wax barnay oo ay fursad u heleen inay kaligood fasal ku dhameysteen dugsiga hoose iyo ka dhexeba”

Waxa kale oo halkaasi ka hadlay sedex hablood oo ka mid ahaa ardayda Dugsigaasi ahaana kuwii xafladan soo qaban qaabiyey iyagoo ku khudbadeeyey sedex luuqadood oo kala duwan kuwaasi oo kala ahaa Foosiya Maxamed Cali oo khudbada ku saabsan dugsiga ku akhriday Luuqada carabiga halka ay ardayda Suleekhina ka akhriday mid English ah taasi oo ardayada Muna Jibriil Yuusuf ka akhriday mid soomaali ah iyagoo sedexda hablood ka hadlay marxalidihii kala duwanaa ee uu soo maray dugsigu isla markaana marta sharaftii kalena ka codsadey inay u rajeen imtixanka Guul

.Marka laga yimaado Maamulka, macalimiinta, Ardayda Dugsiga imaamu Shaafici waxa halkaasi ka hadlay Cabdikariim Siciid Saalax Tifaftiraha Wargeyska Heemaal (Weriyaha webka Golis News) oo isagu ahaa Ardaydii hore ee dugsigaasi waxka baratay waxaana hadaladiisii kamid ahaa oo uu yidhi “ Runtii waxay ii tahay fursad taariikhi ah oo aanan ilaawi Karin maadaama aan ka hadlay xaflad lagu qabtay dugsi aan dhiganayay mudo todobo sano ah oo runtii ahayd bartii aan kasoo bilaabay fasalka koowaad ee waxbarashada taasina ay tahay wax aanan ilaawi Karin, idinkana hablow waxaad idiin rajeynayaa Guul imtixaanka aad galaysaan waanad ku mahadsantihiin xafladan aad soo qaban qaabiseen”

Waxa kale oo iyana halkaasi ka hadashay Faadumo Cali oo kamid ahayd Gudiga waalidiinta dugsiga imaamu shaafici waxaanay tidhi “waxaan aad ugu faraxsanahay oo aan in badan doonayey in mar uun aan arko hablo intaasi leeg oo ka qalin jabinaya dugsi taasina maanta ayey dhacday waana wax aad ii farxad galiyey waxaanan u mahadnaqayaa macalimiinta iyo ardayda dugsiga”

Ugudanbeyntiina waxa halkaasi ka haday Gudoomiyaha Gudiga Waalidiinta Dugsigaasi Imaamu Shaafici Jaamac Cabdilaahi oo ka xogwaramay marxalidihii dib u dhiska ee uu soo maray dugsigaasi isagoo sheegay inuu in badan lasoo tacaalay sidii uuwax uga qaban lahaa dhismaha dugsiga taasina ay hirgashay inkastoo loo soo maray dhibaatooyin badan Jaamac Waxa uu yidhi “Waxaan halkan uga mahadnaqayaa Haayadihii ka qeyb qaatay dib u dhiskii dugsigan oo kala ahaa Haayadaha IAS oo dhistay afar fasal, xafiis, Store, iyo Care International oo dhistay labo fasal afar suuli qalabka laydhka iyo marawaxadaha, Copi oo iyana hal fasal noo dhistay” Gudoomiye Jaamac waxa kale pp uu u mahadnaqay oo uu yidhi “ waxan kaloo u mahadnaqayaa Maamulka Dawlada Hoose Gudoomiye Siciid Daa’uud oo bixiyey 400 $ oo aanu kuraas u siinay Dugisga iyo laydhka kharashaadkiisana waxa bixiya Dawlada Hoose waxa kale mahad mudan Maareeye kuxigeenka Dekeda Berbera Mr Bile Xirsi oo isna bixiyey sagaal marawaxadood oo dugisga la galiyey waxaanan leeyahay waad ku mahadsantihiin”

WD. JAMAAL IBRAHIM MAXED, HARGAYSA
Xigasho: Somaliweyn.com