Ardeyda Soomaaliyeed ee
Jaamacadda Karachi oo casho-sharaf u sameeyay madaxda
jaamacaddaasi
Daawo sawirada xafladda oo badan
Karachi - September 17, 2007
Xaflad si heer sare ah loo soo
agaasimay oo ay soo qaban qaabiyeen ardayda Soomaliyeed ee wax
ka barata jaamacadda Karachi University ee dalka Pakistan ayaa
12kii September waxa ay ka dhacday guriga martida ee Jaamacadda
Karachi University.
Xafladdaan oo ahayd tii ugu horaysay oo ardayda Somaliyeed ee
wax ka barata dalkan Pakistan ku martiqaadaan macalimiintooda,
ayaa waxaa ka soo qayb galay madaxda sar sare ee jaamacadda
Karachi University sida hormuudka jaamacadda Prof. Dr. Pirzada
Qasim Raza Siddiqui, Hormuudka kulliyadaha sayniska, Agaasimaha
barnaamijyada galinka dambe, Madaxa la taliyaha ardayda
ajaanibta ah Prof. Dr. Kaleem Raza Khan, la taliyaha guud ee
ardayda Dr. Khalid Iraqi, macallimiin iyo dadkale oo fara badan.
Xafladdan oo uu aayado Quraan ku furay Yuusuf Awdheegle ayaa
gabdhaha Soomaalida waxa ay ku soo bandhigeen cunto Soomaali
sida: Canjeero (laxoox), maraq (dalac bilaash ah), iyo baasto..
Cashadaasoo intii xafladda ka soo qeyb gashay ay aad uga helaan,
iyadoo ka-sooqeybgalayaashii u dhashay dalka Pakistan ay cuneen
canjeerada iyo maraqa Soomaalida oo kaliya.
Hablaha Soomaaliyeed oo la
sawiran Guddoomiyaha Jaamacadda
Intii lagu guda jiray xafladaan
ayaa ardayda somaliyeed waxay abaal marin guddoonsiiyeen qaar
badan oo ka mid ah madaxda jaamacadda sida Guddoomiyaha
jaamacadda Prof. Dr. Pirzada Qasim Raza Siddiqui, la taliyaha
ardayda ajaanibta ah Prof. Dr. Kaleem Raza Khan, Xoghaynta
Hostelka Wiilasha, Syed Jamsheed, maamulihii hore ee Hostelka
wiilasha Prof. Dr. M. Iqbal, maamulaha hadda ee Hostelka
wiilasha Dr. Zafar Iqbal, iyo kuwa kale oo fara badan. Abaal
marintaas ka dib ayaa madaxda jaamacadda laftoodu waxay abaal
marin taas la mid ah gudoonsiiyeen qabanqaabiyayaashii xafladda.
Waxayna uga mahadceliyeen sida sharafta leh ee ay u soo qaban
qaabiyeen xafladdan ayagoo gudoonsiiyay shahaadooyin ay ku
saxiisanyihiin madaxda sar sare ee jaamacadda Karachi.
Ujeeddada xafladdaan ayaa ahayd isbarasho dhex marta ardayda
Soomaaliyeed ee wax ka barata jaamacadda Karachi University iyo
madaxda sar sare jaamacadda, waxaana intii ay socotay xafladaan
ardaydu halkaas ku soo bandhigeen waxyaabo badan oo kala duwan,
waxaase xusid mudan riwaayad ay halkaas ku soo bandhigeen
ardaydu oo ka hadlaysay dhibka uu la kulmo ardayga Soomaaliyeed
marka uu ku cusubyahay wadankaan iyo faa iidada uu gaaro markuu
dhamaysto wax barashadiisa. Riwayadan oo uu horjooge ka ahaa
Miizaan Khan oo ahayd mid si aad ah looga helay ayaa ardaydu ku
soo bandhigeen dhaliilo iyo amaano is garab socda oo ay u
jeedinayeen jaamacadda Karachi University.
Guddoomiyaha jaamacadda Karachi
University Prof. Dr. Pirzada Qasim Raza Siddiqui oo halkaas
hadal ka soo jeediyay ayaa u mahadceliayay ardayda Somaliyeed
wuxuuna sheegay in xafladaan ay ahayd mid si wanaagsan loo soo
agaasimay wuxuuna sidoo kale sheegay in ardayda Somaliyeed
Pakistan u tahay dalkoodii labaad uuna u aqoonsanyahay ardayda
somaliyeed inaysan ahayn ajaanib balse ay yihiin ama ay la
mid yihiin dadka Pakistanta ah.
Prof.
Siddiqui wuxuu intaas raaciyay inuu fahmay dhaliilaha ay
tabanayaan ardayda Somaliyeed, wuxuuna goobtaas ka sheegay
balanqaadyo badan oo uu wax ugu qabanayo aradayda waxaana
hadaladiisii ka mid ahaa “haddaan nahay madaxada jaamacadda
Karachi University waxaan jecelnahay inaan soo diyaarino xaflad
aan u qabanayno ardayda Somaliyeed ee wax ka barata jaaamacadda
Karachi dhamaadka bishaan barakaysan ee Ramaddan hadii Alle idmo
waxaana rajaynaynaa inaan idiin samayno wixii aad u baahatihiin
oo daruuri ah”.
Md. Maxamed C/raxiim (Shariif) oo ah arday haatan ka wada MBA jaamacadda Karachi, kuna hadlayay magaca ardayda wax ka
barata jaamacadda Karachi University ayaa u mahad celiyay,
maamulka, macalimiinta iyo dhamaan dadka reer pakistan oo uu ku
sheegay inay si wanaagsan ula mucaamileen dadka Soomaalida ah iyo
waliba dadka ajaanibta ah dhamaan ugu danbayntii Mudane SHarif
wuxuu hadalkiisa ku soo gaba gabeeyay Pakistan waxay ay u
qabatay dadka Soomaaliyeed inay tahay wax aan la hilmaami karin
wuxuuna u dar daarmay ardayda somaliyeed inay ka soo bixi
doonaan kaalintooda wax barasho.
Dhanka kale xafladaan oo ahayd mid aad u bilicsan sifiicana
looga soo shaqeeyay ayaan wax ka waydiiyay qaar ka mid ah qaban
qaabiyayaashii cidda ka gacan siisay qarashkii ku baxay xafladan
waxayna ii sheegeen ardayda dhexdoodu inay iska aruuriyeen
qarashkaan balse waxay mahadcelin balaaran oo gaar ah u
jeediyeen Mudane Axmed Abdi Osman oo ah masuul ka tirsan
Shirgada AL-Mutaqbal oo kaalin libaaxleh ka qaatay qabsoomidii
xafladaan.
Jaamacadda Karachi University ayaa ka mid ah jaamacaddaha ugu
waa wayn jaamacaddaha dowliga ah ee dalkaan Pakistan waxaana la
aas aasay jaamacaddan sanadii 1951. hadaba jaamacaddan oo ka
koobanta 58 qaybood ayaa waxaa wax ka barta arday fara badan oo
Somali ah oo ka kala yimid Afrika, Yurub, iyo America, waxaana
ardaydaan dhigtaan qaybaha ugu sar sareeya ee jaamacaddan. Si
kastaba ha ahaatee jaamacaddan oo ah jaamacad caan ka ah gudaha
dalkan Pakistan iyo dibadaba ayaa waxaa wax ka barta arday fara
badan oo kala yimid wadamo kala duwan oo caalamka ah sida,
Somalia, Sudan, Uganda, Turkish, Malaysia, Oman, Saudi Arabia,
Kuwait, iyo wadamo kale oo fara badan waxaana ardadyda somalidu
noqdeen kuwiii ugu horeeyay oo xaflad sharaf u sameeya madaxda
sar sare ee jaamacaddan Karachi.
Guddiga qabanqaabada
Cabdullahi Aden Shabac -
Microbiology final year
Maxamed Cabdiraxim Sharif - MBA final year
Farhan Bashir - Pharmacy 4th year
Cabdirashid Dahir Aye - Pharmacy Final year
Maxmed Cabdiqqadir Caddow - Economics 2nd year
Ali Xasan Allow - MBA final year
Muqtar Diiriye Khaliif - International Relations - 3rd year
Guddoomiyaha Jaamacadda (dhexda) oo ay la jiraan qaar ka mid
ah ardeyda Soomaaliyeed
Martisharaftii ka soo qeybgashay xafladda
Guddoomiyaha Jaamacadda (dhexda) oo ay la jiraan qaar ka mid ah
ardeyda Soomaaliyeed
Daawo sawirada xafladda oo badan
