Sidee wax looga baran karaa Dalka Indonesiya?

Calanka dalka Indonesia

Indonesia waa waddan ku yaallaa koofur-bari Asia, waana waddan ka kooban in ka badan 17508 Jaziirado, waana waddanka ugu jaziiradaha badan caalamka. Tirada dadka ku nool waddankan waxay kor u sii dhaafayaan in kabadan 222 million tirakoobkii 2006, waana waddanka 4aad ee ugu dadka badan waddamada caalamka marka laga reerbo China, India iyo USA, waana wadanka ugu muslimiinta badan dunida islaamka. Indonesia waa waddan jamhuuri ah, baarlamanka iyo madaxwaynaha waa kuwa ay doortaan shacabka, caasimada Indonesia waa Jakarta.

Indonesia waxaa gumeysan jiray waddamo badan, balse kan ugu muhiimsan waa wadanka Holland oo gumeysan jiray in ka badan 300 sano, waxayna xornimo heshay sanadka markuu ahaa 1945kii.

Indonesia waxay xuduud la leedahay ama la wadaagtaa waddamada kala ah Papua New Guinea, East Timor , Malaysia. iyo wadama kale ay ka mid yihiin Singapore, Philippines, Australia.

Indonesia waxay ka koobantahay 33 gobol. 5 kamid 33da gobol waxay ku dhaqmaan xeerar u gaar ah kuwaas oo kala ah Aceh, Jakarta, Yogyakarta, Papua, iyo West Papua. Dhanka cimilada waa laba qaybod sanadkii oo dhan, gu iyo jilaal.

Dhanka dhaqaalaha waa waddanka wax ugu soo saarka badan waddamada islaamka, kaalinta 15aad ayey kaga jirtaa waxaa soo saarka waddamada caalamka, walow waayihii dambi ay ku sii badanayeen dadka saboolka ah.

Waxbarashada

Dhanka waxbarasha waa waddan in badan hurmuud uhaa wadamada K/Bari Asia dhanka waxbarashada, laakin iminka wuxuu ka mid noqoday waddamada xagga waxbarashada hoos-u-dhac ku yimid, waddanka wuxuu leeyahay kumanaan jaamacado ah, waana waddanka 2aad ay ugu badan yihiin ardayda Soomalida ee joogta K/bari Asia marka laga reebo wadanka Malaysia, iyadoo ay ardayda Somaalida ku kala firirsan yihiin gobollada waddanka, kuwaas oo kala dhigta maadooyinka ugu tayeesan ee jaamacad laga barto sida:
 

· Industrial Technology & Management

· Machine

· Information Technology

· Aeronautical Engineering

· City Planning

· Economic

· MBA iyo maadooyin kale oo fara badan.

Ardayda Soomaalida waxay ku badan yihiin West-Java gaar ahaan magaalada Bandung oo u jirta in ka yar 3 saacadood caasimada Jakarta.

Sanadba sanadka ka dambeeyo waa ay sii badanayaan ardayda Soomalida, iyadoo ay ardayda Soomalida indonesia ay leeyihiin urur kaasoo lagu magacaabo “ Ururka Midowga Ardayda Somaliyeed ee Indonesia ”.

Jaamacadaha waddankan aad ayee u raqiis yihiin marka loo fiiryo wadamada dariska la ah waddankan, isku celcelis lacagaha lagu dhigto jaamacadaha waddankan waa $700-$800 sanadkii ama kudhawaad, waana jaamacadaha ku baxa luuqada Indonesianka. Inta badan ardayda Soomaalida waxay wax ku bartaan afka Indonesianka, iyagoo marka hore soo mara koorso luuqadda ah. Jaamacdaha ku baxa afka Englishka waa 2200-3000$ sanadkii, inkastoo ay adag tahay maaddada caafimaadka waayo aad ayey uga qaalisan tahay maaddooyinka kale, sidoo kale waxaa jira jaamacado dad ajaaniib ah ay leeyihiin oo bixiya 2 shahaado, mid Indonesian iyo mid wadan kale ah.

Waddankan waxaad kaloo ka heli kartaa ama ka qaadan kartaa shadooyinka kala ah: Bachelor degree iyo Master degree.

Dhanka maciishada waddanka waa iska dhexdhexaad. Qofka  caadiga ah wuxuu isku celcelin karaa 100$ bishii, halka dadka kharashka badan ay u baahan yihiin 100-200$ bishii, kirada qolkii waa 350$-400$ sanadkii.

Waddankan waxaa ku taallo safaarad ay leedahay Soomaaliya, taas oo ka masuul ka ah arday kasta oo wax ka barta waddankan iyo kan raba ama doonaya in uu wax ka barto, iyadoo ay safaaradda mar kasta ka caawiso ardayda dhanka waxbarashada iyo sharciga. Safiirka Soomaaliya u fadhiya waddankan Mr. Mahamud Olow wuxuu booqasho kala go' lahayn ku booqdaa jaamacadaha ay ardayda dhigtaan, isagoo ku dhiirri-galiyo ardayda waxbarashada taasoo suurta galisay in ardayda Soomaalida ay ka helaaan waddankan tixgalin aad u sarreysa iyo magac.

Sidoo kale ardayda dooneysa in ay wax ka barto waddankaan waxay si toos ah ula soo xariiri karaan safaaradda Soomaaliya ee ku taalo Jakarta. Fadlan kala xiriiri cinwaanka:
 

Embassy of the Republic of Somalia

Jl Permata Hijau Raya Block T No. 8

Kebayoran Lama, Jakarta Selatan 12210

Telp. 0062215321920, Fax: 0062215494730

Email: somalirep_jkt@yahoo.com

Waxaa Diyaariyay: