Warbixin ku saabsan xaaladda Ardeyda Soomaaliyeed ee dalka Urdun

Irbid (Urdun) - May 29, 2006

Ardayda Soomaaliyeed ee wax ka barata dalka Urdun oo isagu jira wiil iyo gabdho ayaa intooda badan waxay soo galeen dalka Urdun billowgii sanadii 2001, kuwaas oo ka kala yimid dalka gudihiisa iyo dibadiisaba. Ardayda ayaa waxay sidoo kale ku kula duwan yihiin meelaha ay kasoo kala galeen iyo waliba hababka ay kusoo galeen iyo cidda maal galisa. Hase yeeshee dalalka ugu badan ee ay ka yimaadeen ayaa kala ah Sucuudiga, Suuriya iyo Soomaaliya.

Tirada ardayda Soomaaliyed ee Urdun ayaa waxay kor u dhaafayaan illaa 50, inkastoo aanan hayn tirada dhabta ah ee ay yihiin. Ardadan ayaa waxay kala dhigtaan kulliyado kala duwan sida caafimaadka, engneeringka, dhaqaalaha iyo computer science-ka. Inta badan ardayda ayaa waxay yihiin kuwo kala jooga magaalooyinka dalka Urdun sida Cammaan, Irbid, Mafraq iyo Karak. Hase yeeshee waxay u badan yihiin Irbid oo ay joogaan illaa iyo 35 arday.

Tayada jaamacadaha dalka Urdun ayaa ah mid aad loo ammaano, iyadoo ardeyda Soomaalida ah ee wax ka barata dalkanna ay ku qanacsan yihiin qaabka ay ku socoto waxbarashadadoodu.

Nolosha dalka Urdun ayaa waxay tahay nolol dhexdhexaad ah inkastoo maciishaddu ay qaali tahay. Ardeyda Soomaalida ayay kuu muuqaneysaa inay ka go'an thaya inay wax bartaan duruuf walba oo jirta iyo xaalad walba oo ay ku sugan yihiinba. Waxaa ardeyda Soomaaliyeed ee dalka Urdun waxaa ka mid ah kuwa uu maal-geliyo Bankiga Islaamka oo sanadihii ugu dambeeyay ardey badan oo Soomaali ah u diray jaamacado shisheeye.

Dhanka cimilada sanadku wuxuu u kala qaybsan yahay kulayl iyo qabow.

Waxaa diyaariyay:

Axmed-dhayib Maxamed Cabdi
Wakiilka Somali Education ee Urdun